Consecuencias da pandemia nas crianzas. Recomendacións para as familias.

A pandemia e o confinamento expuxéronnos a una situación especial. Esta situación non foi un acontecemento puntual senón que se prolongou no tempo levándonos a romper de súpeto as nosas rutinas e plans, xerando moitas emocións creadas pola incerteza: sen saber qué vai pasar, canto tempo imos pasar así, qué pasará co noso traballo, cómo imos conciliar…Así como tamén o medo, a preocupación e a ansiedade. O medo é un valioso sinal que indica unha desproporción entre a ameaza que afrontamos e os recursos que temos para resolvela. É a incerteza en busca de seguridade. Nesta busca, o noso cerebro ponse en marcha para atopar posibles solucións e opcións. Cando estas solucións non se mostran, aparece a preocupación e a ansiedade (medo ao futuro), xerando así algúns efectos psicolóxicos e físicos como:

– Problemas de sono ou pesadelos.

– Problemas alimentarios. Cambios no apetito, niveis de enerxía e intereses.

– Dificultade para concentrarse e tomar decisións – Trastornos do comportamento.

– Problemas para socializar – Aumento das adiccións e hábitos tóxicos.

– Reaccións físicas como dores de cabeza, estómago e erupcións cutáneas.

– Depresión.

– Empeoramento dos problemas de saúde.

LIGAZÓN DO VÍDEO: https://youtu.be/lYBcxkwXYEI